Ffrindiau fel rhain
"Os ydyn ni'n mynd mewn i Glymblaid a Llafur mae 'na beryg i ni gael ein beio am eu methiannau"
Rhodri Glyn Thomas (8/5/07)
"Pwy all fyth anghofio ymosodiad bwriadol enwog Saunders Lewis i losgi gwersyll hyfforddiant milwrol Pwllheli y noson cyn dechrau’r ail ryfel byd? Mae un arall o arweinwyr Plaid Cymru, Dafydd Iwan, y llywydd, wedi galw am ddiwedd i holl weithgarwch y fyddin, gan gynnwys hyfforddiant, yng Nghymru.
Pwy all anghofio’r llefarwraig ar gyfiawnder cymdeithasol, Leanne Wood yn galw am wahardd cynrychiolwyr y lluoedd arfog o ysgolion Cymru? Pe byddem wedi dilyn polisi Plaid, ni fyddem wedi bod yn sefyll dros Gymru; byddem wedi bod yn codi’r faner wen dros Gymru. Ble fyddem o ran y gwasanaeth awyr o’r gogledd i’r de o Gaerdydd i RAF y Fali y mae’r Llywodraeth yn ei gyflwyno? Mae’n debyg na ddylai Plaid Cymru, mewn gwirionedd, ei gefnogi gan ei fod wedi’i leoli ar safle amddiffyn."
Andrew Davies 1/2/07
"Mae'n bwysig wrth fynd mewn i'r etholiad bod neb yn meddwl "Os dw i'n pleidleisio i Lafur neu Blaid Cymru dw i'n cael yr un peth."
Ieuan Wyn Jones (3/4/07)
Golygydd Materion Cymreig y ÃÛÑ¿´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Roedd Ieuan Wyn yn llygad ei le. Ni fydd unrhyw blaid sydd yn cymryd rhan mewn clymblaid yn gwneud yn union yr yn fath ac y byddai wedi ei wneud petae yn medru bwrw ymlaen heb droi at eraill am gymorth.
Bydd wrth gwrs nifer yn taflu bai ar y sawl sydd yn ymwneud a llywodraethu ond yr unig ffordd i osgoi hynny yw cadw mas o wleidyddiaeth yn y lle cyntaf.
Canlyniad da. Mae Rhodri a Ieuan wedi dod allan o hwn yn dda ac wedi gosod yr angen am sefydlogrwydd o flaen llwythgarwch pleidiol. Vaughan a wyt yn cytuno gyda fi yn hyn- er mwyn gwella'r obeithion o enill a cadw tu mewn i'r amserlen o 4 mlynedd fe fydd y referendwn yn cael ei gynnal yr un diwrnod ar etholiadau cynulliad nesaf?
Gareth,Dyna yw'r dyddiad mwyaf tebygol fe dybiwn i. Mae na fantais enfawr mewn gwenud hynny sef bod y nifer sy'n troi allan i bleidleisio yn etholiadau'r cynulliad llawer yn uwch yn yr ardaloedd wnaeth bleidleisio "Ie" yn 1997 nac yn ardaloedd "Na". Fe fyddai hynny;n fantais aruthrol i'r ochor "Ie".
Dyma'r tro cyntaf imi weld manylion yr hyn a ddywedwyd gan Andrew Davies, a'r ffaith syml amdani yw ei fod yn fy ngham-ddyfynnu yn llwyr.
Dydw i ddim yn hoffi gweld cymaint o dir (ac awyr) Cymru yn cael ei ddefnyddio gan y lluoedd arfog i "ymarfer", ac rwy'n gwrthwynebu'n llwyr y modd y meddiannwyd llefydd fel yr Epynt a Chwm Cain yn Nhrawsfynydd yn groes i ewyllys y trigolion a orfodwyd o'u cartrefi.
Ymateb yr oeddwn i gwestiwn ar Radio Wales yn gofyn beth fyddai'n digwydd i diroedd y fyddin Brydeinig pe bai Cymru'n annibynnol. Yr ateb mae'n debyg yw y byddai llywodraeth Cymru (fel y gwnaeth llywodraeth Cyprus annibynnol am wn i) yn negodi telerau newydd am y tir.
Mae'r honiad fy mod wedi dweud nad oes angen unrhyw hyfforddiant yn ffwlbri noeth. Byddai gan Gymru annibynnol luoedd fel sydd gan Iwerddon rydd i gyflawni ei dyletswyddau fel aelod o'r Cenhedloedd Unedig, ac i gyflawni eu gwaith fel lluoedd sifil, a byddai angen hyfforddiant o'r radd uchaf i'r lluoedd hynny.
Mae'r honiad am y Fali yn rhyfeddach fyth, gan fy mod i wedi dadlau'n gryf dros Faes Awyr Caernarfon fel y maes mwyaf addas ar gyfer unrhyw wasanaeth awyr De-Gogledd. Gan nad yw'r RAF yn defnyddio Caernarfon, byddai mynediad llawer rhwyddach a mwy hyblyg i'r safle.
Llongyfarchiadau ar y blog.