Pleidlais y Sgweier
Mae'r Ceidwadwyr yn mwynhau brolio eu bod wedi "ennill y bleidlais boblogaidd" yng Nghymru yn yr etholiadau Ewropeaidd am "y tro cyntaf ers 1859".
Dydw i ddim yn siŵr ydy'r "bleidlais boblogaidd" yn derm cymwys yn y cyswllt hwn. Yn 1859 fe enillodd y Ceidwadwyr 17 sedd gyda 63.6% o'r "bleidlais boblogaidd". Ond sawl pleidlais oedd hynny? Faint o bobol yn union yng Nghymru benbaladr wnaeth bleidleisio i'r Ceidwadwyr? 2,267! Dwy fil, dau gant, chwedeg a saith! Fe enillodd y Rhyddfrydwyr 15 o seddi ar ôl derbyn cyfanswm o 1,585 pleidlais!
Rwy'n ddiolchgar i Jonathan Morgan am yr ystadegau ac yn cynnig yr hysbys fach yma i ad-dalu'r ffafr! Heno fe fydd Jonathan yn cyflwyno darlith ar ddyfodol y Ceidwadwyr Cymreig o dan nawdd Canolfan Llywodraethu Cymru. Mae'r ddarlith yn siambr yr hen Neuadd Sir (adeilad Morgannwg) ym Mharc Cathays am saith o'r gloch.
Golygydd Materion Cymreig y ÃÛÑ¿´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Vaughan. Off topic ychydig, ond gyda'r Toriaid yn debygol o ennill yr Etholiad Gyffredinol nesaf, beth sy'n digwydd i seddi'r Cynulliad o dorri ar seddi Cymru yn San Steffan? Unrhyw syniadau?
1, 585 pleidlais am 7 sedd ?
Mae Kirsty Williams yn seilio ei optimistiaeth am Geredigion ar hyn, mae'n siwr !
A buasai pob un o'r 1585 wedi ysgrifennu llai o lol na Lembit Opik
Dim byd, rwy'n tybio. Mae nifer seddi'r Alban yn San Steffan wedi ei chwtogi heb effeithio ar senedd Caeredin. Mae'n golygu bod nifer a ffiniau'r etholaethau'n wahanol i'r ddwy senedd.