ÃÛÑ¿´«Ã½

"Fe'i disgrifiodd fel "hanner hunangofiannol" ac wedi ei leoli ym mro ei phlentyndod, Trefor - neu Hendra - ger Caernarfon.

"Mae yna dipyn dod o'r cof ond fy mod i wedi eu lliwio nhw rywfaint er mwyn cael stori," meddai.

Bwlio
Elfen yn y llyfr a ganmiolwyd yn fawr gan un o'r beirniaid oedd y darlun o fwlio ond dywedodd Bet Jones na chafod hi ei bwlio ond bod yna 'Blydi Dinah Smith' yn ei hysgol hithau.

"Yr oedd yna rywun oedd gen i hofn i ac roedd hi'n hÅ·n a chanddi'r arferiad o wneud y ngwallt i efo llechan ac roeddwn i hofn hi'n ddychrynllyd," meddai.

Gweld corff
Digwyddiad "dychmygol i gyd" yw un arall yn y nofel meddai am fynd i weld corff a dwyn rhosod ar y ffordd.

"Yr oedd yn dal yn arferiad gan hen bobol i fynd i weld cyrff a dwi'n cofio pan oeddwn i'n llai na chwech oed - tua thair - mae gen i frith gof o gymeriad yn Nhrefor oedd yn fy ngwarchod i'r diwrnod hwnnw ac yn mynd a fi i weld corff rhywun oedd yn ei harch mewn ffrog briodas a dwi'n meddwl fod hwnnw wedi cael effaith arnaf i ar y pryd achos roeddwn i'n claddu fy noliau mewn bocsys sgidia wedyn ," meddai.

Newid
Ar gyfer y nofel a gyhoeddwyd dywedodd iddi dymheru ambell i ddigwyddiad oherwydd i'r beirniaid ddweud iddi or-ysgrifennu ambell i beth.

Newidiodd ddiwedd stori'r teledu, meddai, ond mewn gwirionedd malwyd y teledu dan sylw yn deilchion.

Disgrifiodd ei phlentyndod fel un hapus ymhlith pobl gyda balchder a lle'r oedd mynd i ddyled yn destun ofn. Yr oedd hefyd yn gyfnod o falchder mawr mewn addysg i blant ac yn gyfnod cymdogol o ddrysau yn agored.

Pan ofynnwyd iddi a fydd dilyniant i Beti Bwt dywedodd:

Mwy i ddod?
"Mi rydw i wedi gwneud dipyn bach o dwll i mi fy hun fy mod wedi gorffen [y nofel] yn Lerpwl. Mi fuasai raid gwneud dipyn o ymchwil ond mi fuaswn i'n hoffi ysgrifennu eto os gwnaiff yr amser ganiatáu," meddai.