 |
|
Cyfle
i chi ddewis
eich llyfr y flwyddyn
Mae Cyngor Celfyddydau Cymru wedi cyhoeddi rhestr
fer Llyfr y Flwyddyn - pa un fyddech chi'n ei ddewis?
Dydd Iau, Mai 3, 2001
|
Y mae Cyngor Celfyddydau Cymru wedi cyhoeddi enwau’r chwe llyfr sydd
ar restr fer Llyfr y Flwyddyn 2001.
Bydd enwau’r llyfr Cymraeg a’r llyfr Saesneg buddugol yn cael eu cyhoeddi
yng Ngwyl y Gelli ar Fai 28.
Yn y cyfamser mae cyfle i ddilynwyr Llais Llên ddweud pwy
maen nhw’n ei feddwl ddylai ennill - neu hyd yn oed ddewis llyfr nad
yw ar y rhestr fer.
Gallwch ebostio eich awgrym trwy glicio yma
Y cyfan sydd raid ichi ei wneud yw enwi'r llyfr y tybiwch chi a ddylai
gael ei anrhydeddu yn llyfr y flwyddyn.
Mae’r wobr gan Gyngor y Celfyddydau yn mynd i’r llyfr a ddewisir
gan banel o feirniaid yn llyfr mwyaf nodedig yn y Gymraeg ac yn y
Saesneg a gyhoeddwyd yn ystod y flwyddyn 2000.
Mae tri llyfr Cymraeg a thri Saesneg ar y rhestr fer gyda gwobr o
£3,000 yr un i’r enillwyr ym mhob categori a £1,000 yr un hefyd i’r
awduron eraill sydd wedi cyrraedd y rhestr fer. .
Yr awduron Cymraeg yw:
 •
Owen Martell Gwasg Gomer. Nofel gyntaf awdur, a fagwyd ym Mhontneddfechan ac
sy’n byw bellach yng Nghaerdydd ac yn gweithio yn adran chwaraeon
ÃÛÑ¿´«Ã½ Cymru.
Y nofel hon fu’n fuddugol yng Nghystadleuaeth Nofel 2000 Gwasg Gomer.
 •
Mihangel Morgan , Y Lolfa. Casgliad newydd o storiau byrion gan "awdur
gwreiddiol a beiddgar". Yn frodor o Aberdâr, y mae’n byw yn Nhal-y-bont
ger Aberystwyth ac yn ddarlithydd yn y Gymraeg yng Ngholeg y Brifysgol
Aberystwyth.
 •
Jerry Hunter Soffestri’r Saeson Gwasg Prifysgol Cymru.
Ymdriniaeth ddadlennol â chyfnod tyngedfennol yn hanes Cymru: oes
y Tuduriaid.
Magwyd yr awdur yn Ohio; y mae’n byw yng Nghaerdydd.
Yr awduron ar y rhestr fer Saesneg yw:
• Desmond Barry The Chivalry of Crime Jonathan Cape.
Nofel am hanes Jesse James, a’i gymdeithas dreisgar. Magwyd yr awdur
ym Merthyr Tudful ond y mae yn awr yn byw yn New Jersey.
• Stephen Knight Mr Schnitzel Viking. Nofel hunan-gofiannol
gan un o feirdd Saesneg amlycaf Cymru. Fe’i lleolir yn Awstria ac
yn Abertawe, lle magwyd yr awdur.
• Owen Sheers The Blue Book Seren. Y mae Owen Sheers,
o’r Fenni, eisoes wedi’i gydnabod yn un o leisiau mwyaf addawol y
mileniwm newydd. Dyma ei gasgliad cyntaf.
Dewiswyd y chwe llyfr gan ddau banel o feirniaid: yn Gymraeg,
Harri Pritchard Jones, Gwyneth Lewis ac R. Arwel Jones; ac yn Saesneg,
Bernice Rubens, Peter Florence a Peter Stead.
Cysylltiadau rhyngwladol
Y mae Cyngor y Celfyddydau yn tynnu cryn sylw at gysylltiadau rhyngwladoly
gystadleuaeth hon eleni gan ddweud:
"• Mae Desmond Barry, o Ferthyr, yn ysgrifennu am yr Unol
Daleithiau ac yn byw yno;
• Jerry Hunter, o’r Unol Daleithiau, yn ysgrifennu am Gymru,
yn Gymraeg;
• Owen Martell yn ysgrifennu am Gymru a’r Unol Daleithiau;
• Mihangel Morgan, yn cwmpasu Efrog Newydd, Paris, Tokyo ac Aberystwyth;
• Stephen Knight yn symud rhwng Cymru ac Awstria; ac Owen Sheers
rhwng Cymru a Ffiji."
Ewch ymlaen yn awr i enwi eich dewis chi o lyfr y flwyddyn trwy glicio
yma
|
|
|
Gair
am air
Siart
Cymru
Llyfrau
ar y We
Nôl
i'r archif
