|
Wrth i Fifa ddathlu hanner can mlwyddiant o fodolaeth, penderfynwyd cynnal Cwpan y Byd 1954 yng nghartref ei phencadlys. | Lleoliad |  ÌýY Swistir | | Timau | 16 | | Pencampwyr |  ÌýGor. Almaen | | Prif Sgoriwyr | Sándor KocsisÌý
11Ìýgôl |
Roedd y bencampwriaeth yn llawn goliau gyda 140 yn cael eu rhwydo mewn 26 gêm ar gyfartaledd o bron i chwe gôl pob gêm.
Llwyddodd Gorllewin Yr Almaen i sicrhau buddugoliaeth syfrdanol yn y rownd derfynol yn erbyn tîm enwog Hwngari oedd yn cynnwys chwaraewyr fel Ferenc Puskas, Sandor Kocsis a Jozsef Bozsik.
Wedi llwyddo i chwalu Gorllewin yr Almaen 8-3 yn y rownd agoriadol, roedd Hwngari, oedd heb golli gêm ers pedair blynedd ac yn bencampwyr y Gemau Olympaidd, yn ffefrynnau clir.
Ond er iddynt fynd 2-0 ar y blaen yn gynnar yn y rownd derfynol, llwyddodd Max Morlock a Helmut Rahn (2) i sicrhau buddugoliaeth annisgwyl i'r Almaenwyr mewn gêm sy'n cael ei hadnabod fel Das Wunder von Bern (Gwyrth Bern).
 |
Ìý
