Cynhaliwyd pencampwriaeth 1990 yn Yr Eidal - yr ail wlad i gynnal y gystadleuaeth am yr ail dro - a llwyddodd Gorllewin Yr Almaen i ennill un o'r pencampwriaethau mwyaf di-fflach yn hanes y gystadleuaeth. | Lleoliad |  Yr Eidal | | Timau | 24 | | Pencampwyr |  Gorll. Almaen | | Prif Sgoriwr | Salvatore Schillachi
6 gôl |
Roedd Iwerddon, Costa Rica a'r UAE yn ymddangos yn y rowndiau terfynol am y tro cyntaf erioed.
A llwyddodd gwyr Jack Charlton i greu mymryn o hanes gan sicrhau eu lle yn yr ail rownd wrth i Fifa dynnu eu henwau allan o het.
Gorffennodd Iwerddon â thair gêm gyfartal yn eu grŵp yn erbyn yr Iseldiroedd, Lloegr a'r Aifft.
Ac wedi'r Iseldiroedd orffen â'r un nifer o bwyntiau 'r un gwahaniaeth goliau, bu rhaid i Fifa dynnu enw allan o'r het i sicrhau pwy fyddai'n cael yr ail safle yn y grŵp.
Y Gwyddelod oedd yn lwcus ac, wedi trechu Romania ar giciau o'r smotyn yn yr ail rownd, collodd Iwerddon yn erbyn yr Eidal yn Rhufain yn rownd yr wyth oaf.
Tîm arall greodd mymryn bach o hanes oedd Camerŵn, y tîm cyntaf erioed o Affrica i gyrraedd rownd yr wyth olaf.
Ond, er iddynt orfodi amser ychwanegol, colli oedd hanes tîm Roger Milla yn erbyn Lloegr ac aeth y Saeson o fewn trwch blewyn i gyrraedd y rownd derfynol am y tro cyntaf ers 1966.
Ond llwyddodd Gorllewin yr Almaen i ennill ar giciau o'r smotyn a sicrhau eu bod yn gallu talu'r pwyth yn ôl yn erbyn Yr Ariannin am golli yn y rownd derfynol pedair blynedd yn ddiweddarach.
 |
Ìý
