ÃÛÑ¿´«Ã½

PRIF DDIGWYDDIADAU

Sgôr Terfynol: Awstralia 3-1 Siapan

90 +2mun: Gôl - Awstralia 3-1 Siapan
Llwyddodd John Aloisi i selio'r fuddugoliaeth wrth ddawnsio heibio Yuichi Komano cyn taro'r bêl i gornel isa'r rhwyd.

89 mun: Gôl - Awstralia 2-1 Siapan
Wedi dod ag Awstralia'n gyfartal pum munud yn ôl, rhwydod Tim Cahill ag ergyd hyfryd o ochr y cwrt cosbi i roi Awstralia ar y blaen.

84 mun: Gôl - Awstralia 1-1 Siapan
Methodd Siapan ag ymdopi â thafliad hir i'r cwrt cosbi a manteisiodd Tim Cahill i rwydo gôl gyntaf Astralia yng Nghwpan y Byd.

83 mun: Cafwyd arbediad campus arall wrth i John Aloisi grymanu cic rydd o amgylch y mur amddiffynol.

71 mun: Wrth i Awstralia bwyso, llwyddodd Hidetoshi Nakata i wrthymosod gan garlamu i lawer yr asgell dde, ond yn ffodus i Awsralia roedd ei bas i'r cwrt cosbi tua llathen tu ôl i Atsushi Yanagisawa.

67 mun: Wrth i Awstralia geisio am y gôl i ddod yn gyfartal, mae'n rhaid i Siapan amddiffyn am eu bywydau. Lloriwyd Josh Kenedy ar ochr y cwrt cosbi yn dilyn symudiad da gan y Socceroos ac roedd angen arbediad campus gan Yoshikatsu Kawaguchi o ergyd Mark Viduka.

60 mun: Mae Guus Hiddink wedi gyrru yr ymosodwr, Josh Kennedy, i'r maes yn lle yr amddiffynnwr, Craig Moore.

52 mun: Mae chwaraewr canol cae Everton, Tim Cahill, wedi dod i'r maes i'r Socceroos yn lle Marco Bresciano

Hanner Amser: Awstralia 0-1 Siapan

40 mun: Mae'r chwarae yn hedfan o un pen i'r maes i'r llall ac mae'n anodd credu bydd y gêm yn parhau i fod mor gyflym yn yr ail hanner.

Mae rheolwr Awstralia, Guus Hiddink, yn gandryll â'r penderfyniad i ganiatáu'r gôl ac ymddengys ei fod wedi cael dadl ffyrnig â'r pedwerydd a phumed swyddog.

33 mun: Dawnsiodd Atsushi Yanagisawa trwy amddiffyn Awstralia, ond yn anffodus i Siapan nid oedd ei ergyd hanner cystal â'i rediad.

27 mun: Ceisiodd Harry Kewell ymateb yn syth i Awstralia gan grymanu ergyd grafodd y trawst.

26 mun: Gôl - Awstralia 0-1 Siapan
Siapan yn mynd ar y blaen â gôl hynod ddadleuol wedi Shunsuke Nakamura daro ergyd hir i mewn i'r cwrt cosbi ac wrth i Naohiro Takahara neidio yn erbyn y golwr, Mark Schwarzer, adlamodd y bêl i gefn y rhwyd ac fe'i caniatawyd gan y dyfarnwr o'r Aifft.

24 mun: Crëwyd lle i Marco Bresciano ar ochr y cwrt cosbi â phas gelfydd gan Mark Viduka, ond llwyddodd Yoshikatsu Kawaguchi i arbed ergyd chwaraewr canol cae Parma

20 mun: Llwyddodd Alex i greu lle i Naohiro Takahara ar ochr y cwrt cosbi a tharodd ymosodwr Hamburg ergyd hyfryd fodfeddi heibio'r postyn.

14 mun: Mae Mark Viduka'n serenu i'r Soccroos wrth iddo ddawnsio heibio dau neu dri o amddiffynwyr Siapan ond tarodd ei ergyd yn erbyn Tsuneyasu Miyamoto.

11mun: Mae Awstralia'n profi eu bod yn mynd i roi her i brif dimau Asia nawr eu bod wedi ymuno â'r AFC wrth i Luke Wiltshire groesi'n hyfryd o'r asgell dde ond methodd Mark Viduka â chyrraedd y bêl.

5 mun: Bu rhaid i Yoshikatsu Kawaguchi fod ar ei orau i arbed dwy ergyd gan Mark Viduka ar ochr y cwrt bach.

1 mun: Cafodd Siapan gic rydd gynnar ond tarodd Shunsuke Nakamura ei ergyd yn syth i'r mur amddiffynnol.

TIMAU

Awstralia: Schwarzer, Neill, Moore, Culina, Wilkshire, Emerton, Grella, Bresciano, Chipperfield, Kewell, Viduka.

Eilyddion: Aloisi, Beauchamp, Cahill, Covic, Kalac, Kennedy, Lazaridis, Milligan, Popovic, Skoko, Sterjovski, Thompson.

Siapan: Kawaguchi, Komano, Miyamoto, Santos, Tsuboi, Nakazawa, Fukunishi, Hidetoshi Nakata, Nakamura, Takahara, Yanagisawa.

Eilyddion: Doi, Endo, Inamoto, Kaji, Maki, Moniwa, Koji Nakata, Narazaki, Ogasawara, Oguro, Ono, Tamada.

Dyfarnwr: Essam Abdel Fatah (Yr Aifft)