ÃÛÑ¿´«Ã½

> adroddiad y gêm

PRIF DDIGWYDDIADAU

Sgôr Terfynol Gwlad Pwyl 0-2 Ecuador

90 mun: Tarodd y Pwyliaid y postyn yn y funud olaf ag ergyd gan Pawel Borzak.

85 mun: Trodd Ireneusz Jelen yn gelfydd yn y cwrt cosbi ond gwelodd ei ergyd yn dod yn ôl oddi ar y trawst.

80 mun: Gôl - Gwlad Pwyl 0-2 Ecuador
Llwyddodd Ivan Kaviedes i guro'r trap camsefyll cyn lledu'r bêl i Augustin Delgado i rwydo'r ail gôl i Ecuador.

77mun Cafwyd taran o ergyd gan Miroslav Szymkowiak darodd un o'r gwyr camera tu ôl i'r gôl yn hytrach na chefn y rhwyd.

73 mun: Roedd angen cyffyrddiad pwysig arall gan Neicer Reasco i droi croesiad o'r dde heibio am dafliad.

61 mun: Llwyddodd Augustin Delgado i droi'n gelfydd yng nghwrt cosbi Gwlad Pwyl ac er iddo ddisgyn i'r llawr wedi tacl gan Mariusz Jop, nid oedd y dyfarnwr am roi cic o'r smotyn.

53 mun: Roedd angen tacl bwysig gan Geovanny Espinoza i rwystro Radoslaw Sobolewski rhag ergydio i Wlad Pwyl wedi iddo dderbyn y bêl yng nghwrt cosbi Ecuador.

52 mun: Llwyddodd Jacek Krzynowek i rwydo i'r Pwyliaid ond roedd ymosodwr Bayer Leverkusen yn camsefyll.

47 mun: Unwaith eto mae'r bêl newydd yn profi ei fod yn teithio ymhellach na'r arfer wrth i Artur Boruc orfod delio â chic rhydd Antonio Valencia o'r ystlys.

Hanner Amser Gwlad Pwyl 0-1 Ecuador

43 mun: Methodd Cristian Mora â chasglu'r bêl o gic gornel ond peniodd Maciej Zurawski y bêl heibio'r postyn.

41 mun: Bu rhaid i Artur Boruc fod ar ei orau unwaith eto wrth i Antonio Valencia daro ergyd o bell.

37 mun: Ceisiodd Edison Mendez â chic rhydd o 30 llath ond llwyddodd Artur Boruc i arbed yn gyfforddus.

28 mun: Mae'r gôl wedi bod yn ergyd i hyder Gwlad Pwyl ac mae Ecuador yn creu hafoc yn amddiffyn y Pwyliaid ar y funud.

23 mun: Gôl - Gwlad Pwyl 0-1 Ecuador
Llwyddodd y gwyr o Dde America i fynd ar y blaen yn erbyn llif y chwarae wrth i Carlos Tenorio benio pas Agustin Delgado i gefn y rhwyd.

13 mun: Cafodd Jacek Krzynowek ei lorio ar ochr y cwrt cosbi gan Edison Mendez, ond tarodd chwaraewr canol cae Bayer Leverkusen y gic rhydd ymhell dros y trawst.

10 mun: Llwyddodd golwr Gwlad Pwyl, Artur Boruc, i ddelio ag ergyd o bell gan Segundo Castillo i fawr rhyddhad ei amddiffyn.

Mae cryn sôn wedi bod am y ffordd mae'r bêl newydd yn symud yn dilyn gôl Torsten Frings yn erbyn Costa Rica yn gynharach yn y dydd.

5 mun: Mae golwr Ecuador, Christian Mora, wedi peintio baner ei wlad ar y naill foch a'r llall!

3 mun: Dawnsiodd Miroslav Szymkowiak o amgylch llu o chwaraewyr Ecuador, ond wedi cael ei lorio, ni chafodd gic rhydd.

TIMAU

Eilyddion: Bosacki, Brozek, Dudka, Fabianski, Gancarczyk, Giza, Jelen, Kosowski, Kuszczak, Lewandowski, Mila, Rasiak.

Ecuador: Mora, De la Cruz, Hurtado, Espinoza, Reasco, Mendez, Castillo, Valencia, Edwin Tenorio, Delgado, Carlos Tenorio.

Eilyddion: Ambrossi, Ayovi, Benitez, Borja, Guagua, Kaviedes, Lanza, Lara, Perlaza, Saritama, Urrutia, Villafuerte.

Dyfarnwr: Kamikawa Toru (Siapan)