|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
Cadwyn yn uno Cymru a’r Affrig 
Annog masnachu â gwledydd tlawd Mae arddangosfa o grefftau Gorllewin Affrica yn stondin Cadwyn ar faes yr Eisteddfod eleni. Cafodd yr arddangosfa ei hagor gan Mde. Kadi Friqqit, ar ran llywodraeth Burkina Faso, ddydd Sadwrn. Mae’n cynnwys crefftau o chwe gwlad sy’n rhan o Gymuned Economaidd ECOWAS a gafodd ei sefydlu yn 1976. Hybu cydweithrediad Mae ECOWAS yn hybu cydweithrediad rhwng gwledydd Mauritanie, Senegal, Gambia, Mali, Burkina Faso, Nigeria, Togo, Benin, Ghana, Cote D’Ivoire, Guinee a Guinee Bissau. Mae’r Gymuned felly’n cynnwys rhai o wledydd tlotaf y byd. Bwriad Cadwyn drwy osod yr arddangosfa yn eu stondin yw "codi ymwybyddiaeth ac undod rhwng Cymru a’r Affrig." Dywedodd Sioned Elin, cyfarwyddwraig Cadwyn: "Mae gwladwriaeth fach Luxembourg (gyda degfed rhan o boblogaeth Cymru) yn cyllido rhwydweithiau o bentrefi crefftau yn Niger a Burkina Faso. Galw am hawliau "Mae’n bryd i bobol Cymru ddeffro i’w cyfrifoldebau cydwladol, a galwn am hawliau i’r Cynulliad Cenedlaethol fedru cynorthwyo gwledydd eraill." Fe fydd Cadwyn yn canolbwyntio ar un wlad bob blwyddyn o hyn nmlaen. Meddai Ffred Ffransis, "Dyma’n cyfraniad bach ni. Rydym ni’n ceisio tynnu sylw pobol at bob gwlad a’u hanes a marchnata cynnyrch y gwledydd. Mae pobol Cymru’n gallu bod yn fewnblyg ac maen nhw angen ehangu. Mae Luxumbourg yn codi cywilydd arnom ni." Yn yr arddangosfa fe ellir darllen am hanes y gwledydd, cyfanswm eu poblogaeth a gweld eu baneri. Mae cyfle i brynu cynnyrch o’r gwledydd hefyd gan gynwys matiau mwg sydd wedi’u creu gan grefftwyr dan anfantais corfforol gyda’r ddraig wedi’i ychwanegu gan Cadwyn.
| |
 © MMI |
|
|
About the ÃÛÑ¿´«Ã½ | Help | Terms of Use | Privacy & Cookies Policy |
