|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
 Siom
Daniel OwenOnd y dyfodol yn gwenu ar Menna Medi Y mae’r wobr fawr gyntaf wedi ei hatal yn Eisteddfod Dinbych. Nid oedd neb yn deilwng o wobr goffa Daniel Owen gwerth pum mil o bunnau. Ac wedi’r dyfarniad dywedodd un o’r beirniaid, Vaughan Hughes, fod yn rhaid ailfeddwl ynglyn a’r gystadleuaeth hon. Ond nid oedd yn ddigalon ynglyn â chyflwr y nofel Gymraeg. Mewn cyfweliad teledu cysurodd ei hun y byddai’r ymgeisydd a ddaeth yn ail mewn cystadleuaeth well y llynedd wedi ei cherdded hi eleni. Yr oedd yn cyfeirio at nofel gan Gwyn Llewelyn. Cysurai ei hun hefyd fod yn well gan nofelwyr gystadlu am anrhydedd y Fedal Ryddiaith a’i £750 pitw o arian nag am arian mawr Gwobr Daniel Owen. Dywedodd fod hynny yn glod iddynt fel cystadleuwr ond ychwanegodd fod yn rhaid ailedrych a gwneud rhywbeth ynglyn â gwobr "yr hen Ddaniel." Cystadleuaeth newydd Yr oedd newyddion gwell yng nghystadleuaeth newydd sbon Ysgoloriaeth Emyr Feddyg lle daeth Menna Medi, darlledwraig sy’n awr yn swyddog marchnata gyda chwmni recordiau Sain. Yn dod o Lanuwchllyn yn wreiddiol nid yn unig enillodd Menna fil o bunnau o wobr ariannol ond bydd yn cael cyfle i dreulio chwe mis gyda llenor cydnabyddedig i’w rhoi ar ben y ffordd ynglyn a sgrifennu. Yr oedd naw wedi cystadlu mewn cystadleuaeth ar gyfer rhai nad oeddynt wedi cyhoeddi unrhyw waith o’r blaen.
| |
 © MMI |
|
|
About the ÃÛÑ¿´«Ã½ | Help | Terms of Use | Privacy & Cookies Policy |
