|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
Hwb i apel cronfa merch Glyndwr Yr oedd un o wleidyddion amlycaf Cymru ar y maes ddydd Mawrth i roi hwb i gronfa arbennig i dalu am gofeb i ferch Owain Glyndwr. Dywedodd Dafydd Wigley AC, cyn lywydd Plaid Cymru, fod Catrin Glyndwr yr unig un o dylwyth yr arwr yr ydym yn gwybod lle mae wedi ei chladdu. Wedi ei wrthryfel yn erbyn Lloegr diflannodd Owain Glyndwr ei hun ac nid oes neb yn gwybod lle y’i claddwyd. Ar gyfer dadorchuddio’r gofeb i’w ferch bydd Stryd Cannon yn ninas Llundain yn cael ei chau ar Fedi 16. Yn cymryd rhan yn y seremoni bydd yr actores Sian Phillips a Chôr Meibion Llundain gydag Isabel Monnington Taylor yn dadorchuddio’r gofeb sydd wedi ei gwneud o garreg las Gelli-gaer. Mae Isabel Monnington-Taylor yn dod o deulu Monnington, Swydd Henffordd, y priododd un arall o ferched Owain iddo. Wedi i Catrin gael ei chipio gyda’i phlant yn Harlech yn 1409 fe’u cadwyd yn wystlon yn Nhwr Llundain ac er nad oes unrhyw dystiolaeth sut y buo nhw farw gwyddom iddynt gael eu claddu yn 1413 yn eglwys Swithin yng nghanol Dinas Llundain. Cerflun deg troedfedd o uchel yw’r gofeb sydd yn ôl y rhai a’i trefnodd "yn ein hatgofffa o sefyllfa ddwys alltudiaeth a marwolaeth Catrin." Mae ei sylfaen yn cynrychioli ysbryd bythol Cymru a phigyn efydd sy’n ymestyn o’r garreg yn cynrychioli arweiniad a rhyddid. "Mae ystum lluniaidd y cerflun yn awgrymu dau ffigwr - un yn pwyso’n amddiffynnol dros y llall - yn dwyn i gof nid yn unig Catrin a’i phlant ond pob merch a phob plentyn sy’n dioddef adeg rhyfel," meddai datganiad.
| |
 © MMI |
|
|
About the ÃÛÑ¿´«Ã½ | Help | Terms of Use | Privacy & Cookies Policy |
