|
Huws Gray-Fitlock Cymru Alliance ydy enw llawn (a hir!) y gynghrair sydd yn ymddangos ar ail res pyramid pêl-droed Cymru, yn union o dan Uwchgynghrair Cymru (yr hen League of Wales). Yn ne Cymru, y gynghrair gyfatebol ydy Cynghrair Pêl-droed Cymru, Adran 1. Ar ddiwedd y tymor, bydd pencampwyr y ddwy gynghrair yma yn gymwys i gael eu dyrchafu i'r Uwchgynghrair, os ydy cae'r clwb yn ddigon da. Os nad ydy cartre'r clwb yn ateb y gofynion, yna bydd yr ail dîm yn cael y cyfle. Yn 2003, ymunodd Porthmadog â'r gynnau mawr yn yr Uwchgynghrair ac fe ddaeth Glantraeth i fyny i'r Cymru Alliance o gynghrair is. Y Welsh Alliance
Y Welsh Alliance ydy'r gynghrair sydd o dan y Cymru Alliance yn yr ardal hon. Mae 10 o glybiau'r gogledd orllewin yn y Welsh Alliance: Bethesda, Bodedern, Conwy, Y Felinheli, Glan Conwy, Llanberis, Cyffordd Llandudno, Llanrug, Llanrwst a Phenmaenmawr. Am ragor o wybodaeth am glybiau yn y Welsh Alliance, ewch i gael cip ar y wefan hon ar gyfer dilynwyr: Mae canlyniadau, gemau ac eglurhad o byramid pêl-droed Cymru i'w weld hefyd ar: Gwefan yr Uwchgynghrair: Mae rhagor o wefannau eraill am bêl-droed yn yr ardal i'w gweld yn ein hadran am wefannau lleol.
 |
Ìý
