|
Clirio
Heb gael y canlyniadau roedd eu hangen arnat?
Wedi
colli dy le yn y brifysgol?
Yn teimlo fod y byd ar ben?
Paid â phoeni! Bob blwyddyn mae miloedd o bobl
fel ti yn cael lle yn y brifysgol drwy’r drefn Clirio.
Canlyniadau digon da?
Mae gen ti le! Chei di ddim newid dy feddwl nawr
a gwrthod cynnig o le ar gwrs gradd er mwyn mynd drwy’r drefn Clirio. Rhaid i ti un ai dderbyn dy le neu
dynnu allan o UCAS yn gyfan gwbl a gwneud cais eto y flwyddyn nesaf. Os oes gen ti reswm eithriadol pam
nad wyt ti am dderbyn y cynnig a gefaist, gelli drïo cysylltu â’r brifysgol (nid UCAS) i ofyn a wnân nhw
dy ryddhau di.
Wedi methu cael dy raddau o drwch blewyn?
Mae’n dal yn bosib y cei di dy dderbyn gan y brifysgol/prifysgolion
lle cefaist ti gynnig. Cysyllta â nhw ar unwaith i wybod beth yw’r sefyllfa cyn i ti wneud dim byd arall.
Neu, efallai y gwnân nhw gynnig lle i ti ar gwrs gwahanol, ond does dim rhaid i ti dderbyn os nad wyt
ti eisiau, allet ti dal mynd drwy'r drefn Clirio.
Canlyniadau sâl?
Cysyllta’n uniongyrchol â phrifysgolion a cholegau
sydd â llefydd gwag, i weld a wnân nhw dy gymryd (edrycha dan Ble Mae Dod o Hyd i Lefydd Gwag ac Awgrymiadau
ar gyfer Llwyddo drwy’r Drefn Clirio). Meddylio pethe trywodd yn gyntaf! Edrych ar y cyrsiau a'r brifysgolion yn ofalus i gadarnhau pam rwyt ti eisiau gwneud y cwrs.
Ble mae dod o hyd i lefydd gwag
- Safle gwe UCAS
Cyhoeddir llefydd gwag yn ddyddiol ar www.ucas.com
- Papurau newydd
Mae’r Independent a’r Independent on Sunday yn cyhoeddi rhestri swyddogol UCAS o lefydd
gwag o ddiwrnod canlyniadau lefel A (y trydydd dydd Iau ym mis Awst) ymlaen.
- ÃÛÑ¿´«Ã½ 2 Ceefax
- ECCTIS 2000 gwasanaeth gwybodaeth am lefydd gwag
Rhaglen gyfrifiadurol sydd ar gael mewn rhai ysgolion,
colegau a chanolfannau gyrfaoedd.
Ble mae cael cyngor
Deg awgrym ar gyfer llwyddo drwy'r drefn clirio
Opsiynau eraill yn lle mynd drwy'r drefn clirio
|
