 |
|
Mae dilyn Prentisiaeth Fodern yn ffordd wych o ennill cymhwyster mewn maes arbennig. Mae sawl mantais: cael profiad go iawn o waith, ennill arian ac ennill cymhwyster da. Ond, cofia ei bod hi'n gallu bod yn anodd dod o hyd i le gan fod y gystadleuaeth mor frwd.
Dyma rai ffyrdd o wella dy siawns o ddod o hyd i Brentisiaeth Fodern:
- dechrau chwilio'n fuan (cysyllta gyda'r cyflogwr yn uniongyrchol, cer i'r ganolfan yrfâu leol, gofyn i'r athro neu athrawes gyrfâu)
- ennill profiad gwaith perthnasol
- paratoi CV i'w anfon at gyflogwyr (fe gei di help gan y ganolfan yrfâu i wneud hyn)
- cadw llygad am hysbysebion mewn papurau newydd/ar wefannau
- mynd i unrhyw gyfarfod Prentisiaeth Fodern lle gelli di siarad â chyflogwyr sy'n chwilio am bobl i'w hyfforddi
- os oes gen ti gyflogwr mewn golwg yn barod ond nad ydy o neu hi yn gwybod am Brentisiaethau Modern, dweud wrthyn nhw am y cynllun a gofyn iddyn nhw gysylltu a'r cwmni gyrfâu lleol i wybod mwy
|
|
|
