ÃÛÑ¿´«Ã½

Brodor o Nantgaredig yw Aled Sion, 42 oed, Cyfarwyddwr newydd Eisteddfod a Chelfyddydau yr Urdd.

Cafodd ei addysg yn Ysgol Ramadeg Elisabeth I yng Nghaerfyrddin cyn bod yn un o'r criw cyntaf i fynd i'r chweched dosbarth yn Ysgol Bro Myrddin.

Ar ôl graddio mewn Daearyddiaeth o Goleg Prifysgol Cymru Aberystwyth, treuliodd ddwy flynedd yn athro yn Ysgol Glan Clwyd ac Ysgol Morgan Llwyd.

Yn 1988 fe'i penodwyd yn Ddirprwy Bennaeth yng Ngwersyll yr Urdd Glan-llyn, gan ei ddyrchafu'n Bennaeth yno yn 1993.

Wedi chwe blynedd yn arwain Glan-llyn fe'i penodwyd yn 1999 yn drefnydd y de yr Eisteddfod Genedlaethol ond dychwelodd i Lan-llyn yn gyfarwyddwr yn 2004.

Mae'n yn byw gyda'i deulu yn Llanuwchllyn ac ymysg ei ddiddordebau mae cerddoriaeth, ynghyd â cherdded a beicio.

Yn gyn-aelod o'r grŵp Eryr Wen, mae o bellach yn canu efo Côr Mawr Llanuwchllyn a gyda Thrigogahwntw (Aled ydi'r hwntw!).

Ar fin cychwyn yn ei swydd newydd dywedodd:
"Dwi'n edrych ymlaen i barhau â'r gwaith da sy'n cael ei wneud gan Eisteddfod yr Urdd. Dwi'n gobeithio parhau i sicrhau bod bwrlwm ar y maes a gwneud yn siŵr bod profiadau'r Eisteddfod yn rhai cyffrous i bawb."

Sut ddyfodol?