蜜芽传媒

Dohajydh da, ha dynnargh dhe dhyllans an seythen ma 鈥楢n Nowodhow鈥� war 蜜芽传媒 Radyo Kernow.

Yth eder ow kovyn orth anedhysi yn Kernow a dhasliva orth Towl Karyans nowedhys an Konsel.
Gwrys re beu chanjyow dhe鈥檔 skrif a-ban veu dyllys yn 2011 rag may tastewynno effeyth a Govid-19 hag a janj an hin.
Dell dhesedh Konsel Kernow, y hwra an dus ervira viajya yn fordhow gans effeyth isel orth an kyrghynnedh.
Yn-medh Konseler Philip Desmonde, synsyas portfolio rag karyans, 鈥淧ubonan yn Kernow a fydh war garyans a neb form rag mos dhe鈥檔 skol, po dhe鈥檔 ober, rag kavos gonisyow聽essensek, ha rag dos erbynn aga howetha, aga theylu ha鈥檊a hemeneth. An dasliv a gemeryn a wra agan gweres ow pesya shapya a pyth a wren rag may hwarvo henna.鈥� Ygor yw an聽arhwithrans kavadow orth Let鈥檚 Talk Cornwall (Kewsyn Kernow) bys an 24a a vis Kevardhu.

Diskwedhys yw an hirra tekst dien ow treusvewa yn Kernewek yn Kresen Kernow yn Resrudh. Passhyon Agan Arlodh a dheriv dhyn hwedhel Passhyon Krist ha bos mammskrif聽Kernewek unnik a鈥檔 oos kres a鈥檊an beus gans lymnansow. Diskwedhys ynwedh yw an Aweylys Bosvena, skrifys yn Breten Vyghan kyns dos yn Kernow bys an bledhynnyow 940 ha聽skrifow keworrys dhe鈥檔 lyver y鈥檔 10ves hag y鈥檔 11ves kansbledhen. Dell grysir, yth yw an lyver fenten bosek a istori kernewek a鈥檔 oos kres a-varr, hag a istori kethneth yn Breten聽Sowsnek.

Kevys re beu ester Keynvor Hebask yn pub heyl arvor a鈥檔 soth Kernow ha Dewnens, dhyworth Lulynn bys yn Kingsbridge. Dres veu dhe鈥檔 Ruvaneth Unys dhyworth an Statys Unys ha聽Kanada ha bos amethys dres an bledhynnyow 1960 ha 1970, mes lemmyn y hwra kisya heylyow gwithys. Ledhys re beu moy es 150,000 anedha rag may kontrollyer an eghen. Dell聽leveris Matt Slater dhyworth Trest Bewnans Gwyls Kernow, 聽niver a ester gwyls re dardhsa. Pan veu dres an ester dhe鈥檔 Ruvaneth Unys, y krysis skiensydhyon bos an dowrow re聽dhidhynnargh may halla an ester omdhoon yn palster. Byttegyns, Mr Slater a leveris an dowrow tomma, askrifys dhe janj an hin, dhe wruthyl yn y le an gwella kyrghynnedh maga聽ragdha.

Cita Truru re avonsyas dhe gynsa tro an Hanaf FA (Kowethas Pell-droos), wosa fetha Tre Cirencester onan dhe vann y鈥檊a fytt a鈥檔 tressa tro gwalifia dy鈥橫eurth. Fytt an kynsa tro na a聽hwer yn Park Bolitho an 13ves a vis Du erbynn Tre Bognor Regis.

Y fydh dhe Gernow bagas galwesik Kesunyans Rugbi y鈥檔 Kynsa Kesunyans a-dhia 2022, selyes yn Park Men Kov Pennryn. Yma dhedha eseleth leun an Kesunyans Rugbi, wosa kavos聽leshyans an Hemel Stags (Kerwys Hemel). Yn-medh selyas Eric Perez, 鈥淎gan ethos yw 鈥楰ernewek Kynsa鈥�, ha ni a vynn ytho kavos roas kernewek, ha na saw boghes gwarioryon; ni a聽vynn bos brassa rann a鈥檊an bagas Kernow, rag may ryllyn dhe鈥檔 warioryon na chons dhe wari yn Kesunyans Rugbi galwesik. Moy es konteth yw Kernow, dell wodhon. Moy es henna re聽beu Kernow pub prys, hag yth eson ni owth assaya gwitha bew an spyrys na.鈥�

Yth esowgh hwi ow koslowes orth 鈥楢n Nowodhow鈥� war 蜜芽传媒 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer.聽Bys dy鈥橲ul nessa, dydh da dhywgh hwi oll.