ÃÛÑ¿´«Ã½

Available for 18 days

Tha sèasan ùr de dhealbhan-cluiche air tòiseachadh san Òran Mòr ann an Glaschu, agus A play, a Pie and a Pint a’ taisbeanadh dealbhan-cluiche eadar-dhealaichte gach seachdain aig àm diathaid. Gheibhear deoch, pàidh agus dealbh-chluich uile san aon àite gach latha bho Dhiluain gu Disathairne. A’ tòiseachadh an t-seachdain-sa, tha Rìgh Iasgair, dealbh-chluich a chaidh a sgrìobhadh le Kenny Boyle, aig a bheil buntaineas ri Leòdhas is Glaschu, agus a th’ air a stiùireadh le Lana Pheutan. Tha Lana an cuideachd Ramsay an-diugh leis an tuilleadh fiosrachaidh. Tha na gleocaichean a' dol air ais air an deireadh sheachdain, agus sinn gus ar cùl a chur ris an Dàmhair, mìos dàireadh nan damh. Bha Fanch Bihan-Gallic ag obair na mhaor-dùthcha air Oighreachd Cheann a Tuath na Hearadh, agus tha e an-diugh ag innse mu na bhios a tachairt le na daimh mun àm seo dhan bhliadhna. Agus an t-seachdain a chaidh, fhads a bha sgioba Feasgar aig a' Mhòd, fhuair Ruairidh MacCarmaig cothrom cuairt a ghabhail còmhla ri Eilidh Cameron-Sykes tro Thèarmann Nàdair Nàiseanta Ghlinn Chomhainn.