��ѿ��ý

Available for over a year

GLAW TYRFE YN YR HAF Fy Wncwl Tom Pumsaint ydoedd i mi, Gŵr Anti Lou, a ffynhonnell pob sbri. Casglu wyau y byddai, ddydd Llun i ddydd Iau, Rownd ffermydd yr ardal, a minnau’n mwynhau Bythefnos bob haf cael mynd gydag ef Yng ngaban ei lori i brofi ei nef. Ei lori fach goch a’i tharpawlin gwyrdd A’n cariai ni beunydd ar hyd y mân ffyrdd Sy’n igam-ogamu gogledd Shir Gâr, Y wlad odidocaf, laswyrddaf, wâr Sy yng Nghymru i gyd: Llansawel D.J. A Mali Pantycelyn (ei briod e), Gwerogle, Ffald-y-brenin, Farmers (sbo), Llidiard Nennog a Rhydycymerau dro. Galw mewn ffermydd, rhyw ddwsin bob dydd, Wncwl Tom ymhobman yn sgwrsio’n rhydd Ac yn bragan fod ganddo nai a oedd Mewn eisteddfodau yn adrodd ar goedd Yn ddigon da i fod yn bregethwr chwap: (Byddai hyn bryd hynny’n bluen mewn cap). Bara a chaws oedd ein cinio’n ddi-ffael: Arhosem mewn tŷ tafarn beunydd i’w gael, Lle gofynnai Wncwl Tom yn ei ffordd ffwr-bwt, “Peint, Pegi, i mi, a glaw tyrfe i’r crwt.” Oherwydd hyn, bellach gŵyr pawb ar led Taw ‘glaw tyrfe’ yw’r Gymrâg am lemonêd.