��ѿ��ý

Available for over a year

Éticét wedi Cofid Wyt ti’n cofio Cofid? Does neb sy’n ei nabod o. Mae misoedd o hunanynysu yn amser rhy hir i’r co’. O’r diwedd, mae’n wanwyn eto, mae’r byd y gyd yn fyw. Ond ydi normalrwydd yn newydd neu’n hen? Sgen i ddim cliw. Wrth gyfarfod hen, hen gyfaill a ddylwn ysgwyd ei law? Neu gynnig cusan, neu bawen lawen? Neu, falle, gadw draw? A ddylwn fynd i’r swyddfa - gwneud dim ond siarad mân? Neu slafio’n ddibaid adra’ nes ‘mod i’n blino’n lân? Ga i brynu tŷ anghysbell? Yw’n dderbyniol prynu tŷ ha’? (A chyn ichi sgwennu ataf - mi wn mai’r ateb yw ‘na’.) Ydi’n saff i fentro allan? Go iawn? Ga’ i fynd i gig? Be os fysa mêt yn dweud “Ma’r peint ma’n neis, cym’ swig”? Mae rhai pethau yr hoffwn gadw o fyd y swigen fach: fel peidio gorfod gweld rhai pobol, mi fyddai hynny’n iach. Neu’r gallu i fiwtio eraill neu fiwtio fy hunan am sbel, neu fod yn anweledig, heb gamera, heb orfod gwenu’n ddel. Dwi weithiau’n dal i oedi, yn teimlo braidd yn ffôl, Ond rhaid cofleidio eto’n frwd yr hen fyd newydd yn ôl.