|
Cafodd Frings, 29, ei wahardd am daflu dwrn at ymosodwr Ariannin, Julio Cruz, yn ycythrwfl rhwng y ddau dîm wedi eu gêm yn rownd yr wyth olaf.
Mae wedi ei wahardd am ddwy gêm, ond mae gwaharddiad ar gyfer yr ail gêm wedi ei ohirio sydd yn golygu byddai ar gael ar gyfer y rownd derfynol pe bai'r Almaen yn ei chyrraedd.
Dywedodd rheolwr Yr Almaen, Oliver Bierhoff, ei fod yn siomedig â'r gwaharddiad: "Cawsom wybod tra ar yr awyren ar y ffordd i Dortmund (ar gyfer y rownd gynderfynol)," meddai Bierhoff.
"Nid ydym wedi gweld y rhesymau ond rydym y derbyn penderfyniad Fifa. Bydd Frings yn cael cynllun ymarfer arbennig i fod yn holliach ar gyfer y rownd derfynol.
"Yn amlwg, nid yw Torsten yn hapus â'r sefyllfa."
Mae'r gwaharddiad yn ergyd i'r hyfforddwr, Jurgen Klinsmann, fyddai'n siwr o fod wedi dewis chwaraewr Werder Bremen pe bai ar gael.
 |
Ìý
