Popeth fydd angen i chi wybod am Iran ar gyfer Cwpan y Byd 2006
 Gemau Grŵp D: v Mecsico
11 Mehefin 1700 BST, Nuremburg
v Portiwgal
16 Mehefin 1700 BST, Frankfurt
v Angola
21 Mehefin 1500 BST, Leipzig
Mae cefnogwyr Iran yn credu fod gan eu tîm obeithion go iawn o gyrraedd yr ail rownd am y tro cyntaf erioed yng Nghwpan y Byd.
Wedi colli mewn gêm ail gyfle yn erbyn Iwerddon ar gyfer Cwpan y Byd 2002, llwyddodd Branko Iankovic i ail adeiladu'r tîm.
Gorffennodd Iran yn drydydd yng Nghwpan Asia yn 2004, ond ers hynny mae perfformiadau siomedig yn awgrymu fod y disgwyliadau mawr ar ysgwyddau'r tîm yn afrealistig.
Hanes yng Nghwpan y Byd:
Dyma'r trydydd tro i Iran gyrraedd Cwpan y Byd. Llwyddodd y tîm i greu sioc ar eu hymddangosiad cyntaf yn Yr Ariannin ym 1978 wrth sicrhau gêm gyfartal 1-1 â'r Alban.
Cafodd Iran eu buddugoliaeth gyntaf erioed yn rowndiau terfynol Cwpan y Byd wrth drechu America 2-1 yn Lyon ym 1998.
Sêr y tîm:
Capten Iran, Ali Daei, yw'r chwaraewr enwocaf i ddod o'r wlad, ac mae ganddo brofiad eang o'r Almaen wedi treulio cyfnodau ag Arminia Bielefeld, Bayern Munich a Hertha Berlin yn y Bundesliga.
Ac mae nifer o chwaraewyr eraill o Iran wedi dilyn ôl troed Daei gyda Mehdi Mahdavikia yn chwarae i SV Hamburg, Ali Karimi sydd â Bayern Munich, Ferydoon Zandi sydd yn chwarae i Kaseirslauten a Vahid Hashemian sydd â Hannover.
Barn ÃÛÑ¿´«Ã½ Cymru'r Byd:
Bydd angen tipyn bach o lwc ar Iran os ydynt am gipio'r ail safle yn y grŵp, ond pe bai Mecsico a Portiwgal yn cymryd pwyntiau oddi ar ei gilydd ... pwy ag ŵyr?
 |
Ìý
