ÃÛÑ¿´«Ã½

Oes gennych chi gyngor i'r rhai sydd am fynd i'r Sesiwn?

Sue: Os ydych am gampio, dewch a darn o tarp, pâr sbâr o drowsus a het - roedd yn rhaid i ni brynu'r rhain o'r siop heddiw!

Lee o'r tîm diogelwch: Bihafiwch eich hunain, galluogi i ni wneud cyn lleied o waith a phosib a bydd popeth yn grêt! Os ddim, byddwch yn gorfod ein hwynebu ni.

Stonie o'r band The Loaded Dice band: Gwnewch i fusnes lleol sgwennu hysbys ar eich cefn a chewch ddiod am ddim!

Gethin: Fel unrhyw ŵyl arall, dewch a chot law, wellies a het - dwi'n un practical!

Dilwyn: A chaniau o lager! Hefyd, gweithiwch allan pwy 'da chi am fynd i weld gan fod yna gymaint o lwyfannau ar y maes ac yn y dref.

Elin: Dewch a'ch wellingtons ac eli haul, os ydych yn lwcus! A digon o arian i fwynhau hefyd.

Dylan: Dewch yn llu! Yn enwedig ar bnawn dydd Sadwrn i gael gwerth eich pres. Teulu yn y pnawn, oedolion gyda'r nos. 'Da ni'n aros efo'r plant tan ryw wyth o'r gloch cyn cychwyn adra.


Ym mhle ydych yn cysgu yn ystod yr ŵyl?

Sally: Dwi wedi bod yma o'r blaen heb babell ond da ni pob tro yn cael amser gwych! Ddaru rywun, rhywle wastad adael i ni gysgu yn eu car!

Ted: Rydym ym maes pebyll Cefn Maelan, sy'n cael ei redeg gan Archie. Mae o'n foi hynod o glên, yn rhoi croeso mawr i bawb sy'n dod draw.

Gethin: Roedden ni am gampio, ond 'da ni ddim yn siŵr eto. Da ni reit roc a rôl - mi wnawn ni ffeindio rhywle i gysgu!

Elin: Dewch a bag cysgu cynnes! Mae'r maes pabell swyddogol rhyw hanner milltir o'r maes, felly ddim yn ddrwg - wel, bach o waith cerdded ar ôl noson fawr!

Beth ydych yn ei wneud os yw'n glawio?

Sally: Gwenwch a byddwch yn wlyb! Rydym yn Gymraeg - dim problem - rydym wedi hen arfer efo'r glaw. Ond gwnewch yn siŵr eich bod yn dod a phabell fawr efo chi i bawb allu eistedd ynddo os yw'n glawio.

Rich o'r band The Loaded Dice: Mwynhewch eich hunain! Jest dŵr ydy o. Does gennych chi nunlle arall i fynd!

Dilwyn: Chwerthin! Mae glaw yn neis, jest dŵr ydy o - dydy o ddim yn ddrwg i chi.

Dylan: Anelwch am babell neu'r bar, neu dewch ag ymbarél efo chi. Dydy o ddim yn sbwylio dim ar yr ŵyl.