|
Collwyd pob gêm ym mis Hydref, cyn i'r gaeaf ddechrau dangos ei ddannedd. Efallai fod y tywydd wedi bod yn drugaredd i ddweud y gwir. Rhoi cyfle i ail-drefnu a ballu. Ac yn wir, ar ddydd Sadwrn yng nghanol Tachwedd daeth buddugÂoliaeth o'r diwedd. Y cyntaf ers diwrnod cyntaf y tymor, ac yn ddigon rhyfedd yn erbyn Bermo unwaith eto.
Ennill 1-0 oddi cartref yng Nghwpan Her Gogledd Cymru. A tydi Bermo ddim yn dim gwael chwaith. Bechod na fasa hi yn gem
Gynghrair medd rhai, ond ta waeth, buddugoliaeth hir ddisgwyliedig.
Colli 1-6 yn erbyn ail dîm Porthmadog yn Y Traeth ddechrau Rhagfyr, ond Felin oedd y tîm gorau o'r ddau yn yr hanner cyntaf, er i Port sgorio yn yr eiliadau olaf i'w gwneud yn 2-1 hanner amser. Methodd y dyfarnwr roi penalti i Felin yn gynnar yn yr ail hanner, ac ar ôl i Port sgorio i'w gwneud yn 3 - 1, nid oedd llawer o siâp dod yn ôl ar Felin.
Segur fu Felin weddill Rhagfyr, gan edrych ymlaen at y flwyddyn newydd. I gael Clwb pêl-droed da, rhaid cael pethau yn iawn oddi ar y cae yn ogystal. Ac mae llawer o amser wedi ei wario yng nghae Seilo yn ddiweddar yn gwella'r cyfleusterau. Mae cegin newydd sbon yno, mi fasa'n medru pasio fel show-room i'r noddwyr Kitchen Medic i ddweud y gwir. Ac mae'r ddau hen dug-out wedi cael eu chwalu ac un newydd sbon wedi'i osod yn ei le. Un yn lle dau? Wel, toedd Felin byth yn defnyddio un nhw. Mae'n well gan Bonc a hogia Felin sefyll yn y gwynt a'r glaw yr ochor arall i'r cae. Hen draddodiad mae'n debyg. Mae llawer o waith eto i'w wneud, felly os ydi rhywun yn ffansïo gwneud rhywbeth gwerth chweil dros bêl-Âdroed a chymuned leol, hwn 'di'r cyfle!' Gan fod gwaith i'w gwblhau ar y cae, nid oedd Felin (tîm cyntaf, dan 15 oed, dan 13 oed, dan 7 oed) yn chwarae gartref tan y flwyddyn newydd. Mae'r tîm dan 15 oed, dan arweiniad Gareth 'Jo' Griffiths, wedi chwarae pump ac wedi ennill pump, gan sgorio 24 gol. Mae sgwad cryf o 18 chwaraewr gan gynnwys Sian Mererid, sydd newydd gael caniatâd gan y Gynghrair i chwarae yn nhîm yr hogiau. Tydi hyn ddim yn newydd da i weddill timau'r Gynghrair! Sgoriodd hi ddwy gôl ar ei 'debiw' yn erbyn Nantlle Vale.  Alun Meirion yw rheolwr y tîm dan 13 oed, a Phil Stead sydd yn cadw trefn ar y tîm dan 7 oed. Bydd mwy am y rhain yn rhifyn nesa Goriad.
 |
Ìý
