|
Mae Karen Williams o Langefni yn rheolwraig Clwb Pêl-droed Merched Llangefni: "Er mai dim ond ddwy flynedd yn ôl y cafodd Cynghrair Merched y Gogledd ei sefydlu mae wedi bod yn llwyddiant mawr. "Ro'n i'n hoffi chwarae pêl-droed efo fy nhaid erioed ac roedd gen i athrawes chwaraeon gwych yn Ysgol Uwchradd David Hughes, sef Susan Bracegirdle, a sefydlodd dîm genethod yno. Mi fûm i'n chwarae i Fangor wedyn cyn symud i Langefni rai blynyddoedd yn ôl. "Mae'r rhan fwyaf o dimau gogledd orllewin Cymru yn chwarae yng Nghynghrair Merched Gogledd Cymru. Mae'r timau hynny yn cynnwys Bae Cinmel, Cyffordd Llandudno a Phwllheli. "Mae dau o dimau'r gogledd orllewin - Llangefni sy'n defnyddio clwb pêl-droed y dref a Chaernarfon, sydd wedi ymgartrefu yn yr Ofal - yn chwarae yng Nghynghrair Gogledd Orllewin Lloegr yn erbyn timau Lloegr. "Mi fydd gemau merched yn cael eu chwarae fel arfer ar ddydd Sul gan nad ydy'r caeau ar gael ar ddydd Sadwrn!" Pêl-droed dynionPêl-droed ieuenctid
 |
Ìý
