|  |
Pethau ar y maes
 Bydd pob math o weithgareddau ar Faes yr Eisteddfod. Dyma rai ohonyn nhw.
Ardaloedd Picnic
Bydd ardaloedd picnic ar faes yr Eisteddfod, wedi eu noddi gan Gyngor Cefn Gwlad Cymru, gyda gweithgareddau amrywiol yn cael eu trefnu gerllaw.
°Õî±è¾±²õ
Am y tro cyntaf eleni bydd llu o weithgareddau mewn °Õî±è¾±²õ gan gynnwys sesiynau stori i blant ifanc ar ddechrau'r wythnos a gweithgareddau i bobl ifanc oed uwchradd ar ddiwedd yr wythnos. Noddir y °Õî±è¾±²õ gan HSBC.
Stiwdio Telynnau
Bydd gweithdai telyn yma bob prynhawn wedi eu noddi gan Telynnau gan Clive Morley Harps.
Sgiliau Syrcas
Bydd cwmni Syrcas Syrcas ar y maes yn cynnal pob math o weithdai gan gynnwys jyglo ac arddangosfeydd o Sgiliau Syrcas.
Llwyfan i Bawb
Ym Mhafiliwn Cyngor Celfyddydau Cymru bydd cyfle i weld neu i gymryd rhan mewn rhaglen o weithgareddau celfyddydau ar. Bydd rhagbrofion nifer o gystadlaethau'r Eisteddfod rhwng 7.45-12.00 bob bore a gweithgareddau celfyddydol am 11.00 a 3.00 bob dydd, a pherfformiadau celfyddydol am 1.00 a 3.00 bob dydd.
Bydd y sesiynau yn cynnwys gweithdai Celfyddydau Gweledol a Ffotograffiaeth . Hefyd, bydd perfformiadau Theatr, Cerddoriaeth, Dawnsio, Drymio a Syrcas.
Pabell y Dysgwyr
Paned a sgwrs bob dydd a pharti brynhawn Mawrth pan anrhydeddir prif enillydd Medal y Dysgwyr. Noddir y babell gan Scottish Power.
Pafiliwn Croeso
Bydd yma lu o weithgareddau gan gynnwys perfformiadau syrcas bandiau, sioe bypedau Cwmni Cortyn, gweithdy dawnsio llinell a chwrdd â Mistar Urdd.
Yma hefyd fydd cael gwybodaeth am weithgareddau maes, taflenni gwybodaeth am yr Urdd a map o'r maes a syrffio'r we yng Nghaffi'r We Prifysgol Cymru, Aberystwyth.
Bydd offer cyfieithu ar y pryd ar gael i'w benthyg yma hefyd ynghyd â chadeiriau olwyn i'r anabl.Noddir y pafiliwn gan Brifysgol Cymru, Aberystwyth, Bwrdd yr Iaith Gymraeg a Bwrdd Croeso Cymru.
Dosbarthiadau Meistr
Iwan Llewellyn Jones a Gwyn Hughes Jones.
|
|
|
