Bugail Dartmoor ac America
Sgyrsiau amrywiol yn cynnwys hanes y lleidr David Davies, neu Bugail Dartmoor. Dei hears the remarkable story of a petty thief who spent most of his life behind bars.
Fel rhan o'r amrywiaeth arferol, mae Einion Thomas yn ymuno â Dei i roi hanes lleidr o'r canolbarth a dreuliodd ran helaeth o'i fywyd tan glo am fân droseddau. Roedd David Davies yn cael ei adnabod ar y pryd fel Bugail Dartmoor.
Mae 'na ddwy sgwrs yn ymwneud ag America. Mae'r nofel Aderyn Prin gan Elen Wyn yn stori am Gymraes o Waunfawr sy'n gweithio fel swyddog i'r FBI, a'r Athro Peredur Lynch sy'n sôn am y cysylltiad rhwng Prifysgol Bangor a Phrifysgol Harvard.
Un arall o staff academaidd Prifysgol Bangor sy'n ymuno â Dei ydi Gwilym Owen, a hynny i drafod achos llys yn 1862 pan gafodd Cyfraith Hywel o'r Oesoedd Canol ei chrybwyll.
Pwysigrwydd trenau bach y tu ôl i'r ffosydd yn y Rhyfel Mawr sy'n cael sylw Dr David Gwyn, ac mae 'na ddilyniant i'r sgwrs ddiweddar gyda Carol Byrne Jones am stori asgwrn pen llo. Mae Carol ei hun i'w chlywed eto, yn ogystal â Beryl Jones a Julia Morgan.
Darllediad diwethaf
Rhagor o benodau
Blaenorol
Nesaf
Darllediadau
- Sul 27 Tach 2016 17:30ÃÛÑ¿´«Ã½ Radio Cymru
- Maw 29 Tach 2016 18:00ÃÛÑ¿´«Ã½ Radio Cymru
Podlediad
-
![]()
Dei Tomos
Sgyrsiau am Gymru, ei phobl a'i diwylliant.
