Main content

Còmhla ris an Urr Dòmhnall M MacAonghais

Còmhla ris an Urr Dòmhnall Mìcheal MacAonghais, Eaglais Ghairbraid, Glaschu. Gaelic service conducted by Rev Donald M MacInnes, Gairbraid Church of Scotland, Glasgow.

Anns an t-seirbheis cluinnidh sibh na sailm agus na leughaidhean a leanas:
Salm 36: 9-11 air fonn Kilmarnock agus 's e Dòmhnall C MacLeòid a tha os cionn na seinn le taic bho choitheanal Eaglais Shaor Sgalpaigh
Salm 89: 8-9 air fonn Bangor agus 's e Iain MacPhilip a tha os cionn na seinn le taic bho choitheanal Eaglais na h-Alba am Beàrnaraigh
Salm 122: 8-9 air fonn New Cambridge agus 's e Kenny A MacAoidh a tha os cionn na seinn le taic bho choitheanal Eaglais na h-Alba, Ùige, Leòdhas

Leughaidhean:
Gniomharan 16: 9-15
Taisbeanadh 21:10 /22-27 & 22 1-5
Sosgeul Eòin 14: 14-29

Rugadh Dòmhnall Mìcheal ann am Baile Ghobhainn an Glaschu ach b' ann am baile Bhragair air taobh siar Leòdhais a thogadh e. Bha e ag obair ann an Roinn an Ionmhais aig Comhairle nan Eilean Siar airson seachd bliadhna agus, às dèidh sin, fhuair e obair a' teagasg ceòl ann an sgoiltean Leòdhais agus na Hearadh gus an deach e a-staigh airson na ministrealachd ann an 1995. Tha e na mhinistear air Eaglais Gairbraid ann an sgìre Maryhill an Glaschu. Bha e roimhe na bhall de Chomataidh Ciùil Eaglais na h-Alba agus cuideachd na rùnaire air Comataidh Ghàidhlig na h-Eaglaise.

Tha dà bhalach aige, Joel agus Samuel, agus tha e fhèin agus iadsan a' leantainn Na Buddies, sgioba ball-coise St Mirren. Tha pìos talmhainn aige anns an ath bhaile far am bi e a' cur lusan - buntàta, càl agus currain. Mar a thuirt e fhèin, "dìreach mar Fiollagan".

Tha taigh fhathast aig Dòmhnall Mìcheal ann an Steòrnabhagh agus 's caomh leis a bhith a' tilleadh ann airson saor-làithean.

Nuair a bhios ùine aige dha fhèin, bidh e a' cluich a' phìob agus a' coimhead Laurel and Hardy.

26 days left to listen

30 minutes

Last on

Sunday 15:00

Broadcasts

  • Sunday 09:00
  • Sunday 15:00