ÃÛÑ¿´«Ã½

Available for 22 days

Aig toiseach na bliadhna bha sinn a' comharrachadh ceud bliadhna bha rugadh Fred MacAmhlaigh, Freadaidh Dhòmhnaill Bhàin a' Mhullaich - sàr chraoladair, sgoilear eachdraidh agus canàin, bàrd agus, as cionn a h-uile càil tha sin, fear de mhuinntir Sholais, an Uibhist a Tuath. A seo tha sinn a' toirt thugaibh sreath phrògraman a rinn e tràth ann an 1987 agus e a' dol dhan tasglann aig Roinn na ³Òྱ»å³ó±ô¾±²µ aig a' BhBC agus a' taghadh neamhnaidean prìseil às. A seo 's ann air Canada a tha e a' tadhal. Ann am Montreal choinnich Fred ri Mairi Anna Mhoireasdan a bha air Geocrab sna Hearadh fhàgail ann an 1887 aig aois 12. Bha i a' teannadh air 100 bliadhna nuair a dh' innis i dha mar a bha i eòlach air a' Mhegantic Outlaw, Dòmhnall Moireasdan à Leòdhas. Bha Aonghas Robasdan, às a Bhaile Shear an Uibhist a Tuath, air a bhith ann a Vancouver fad 58 bliadhna nuair a choinnich Fred ris ann an 1970 agus a' Ghàidhlig aige air meirgeadh le cion a' chleachdaidh. Chaidh Eoghainn MacAonghais à Baile Chaolais a-null a Vancouver ann an 1907 a dh' obair aig compnaiadh dealain agus thog e a theaghlach sa bhaile. Bha e còrr air 80 nuair a choinnich Fred ris. Gheibh sinn cuideachd òran teaghlaich, Saighdear Chaluim Bàin, bho Dhonalda NicIllEathain à Leòdhas agus port air a' bhucas bho Sheonaidh Dòmhnallach às a' Rubha ann an Toronto, a bharrachd air An t-Eilean Muileach bho Chòisir Ghàidhlig Vancouver.