CRANNOG: Soned neu delyneg (heb fod dros 18 llinell): Tarth
(Yn ei henaint peintiodd Monet gyfres o tua 250 o ddarluniau olew o lilȉau’r dŵr a dyfai ar lan y llyn)
Ti, yr hynafgwr barfog yn yr ardd,
Wnest ddygnu arni ar ganfasau tyn
Wrth beintio beunydd y lilȉau hardd
A dyfai’n drwch ar wyneb dŵr y llyn.
Fe gest dy lygad-dynnu yn ddi-os,
Fel nad oedd gorwel, awyr las na gwrych
Yn cael un sylw gyda’r clwstwr clós
O’r blodau hyn a’r cryndod yn y crych.
Teneuo a wnaeth holl liwiau’r hwyr brynhawn
A’r bilen bylai’r golwg yn ddi-ball,
Y coch a’r melyn mwy mewn golau gwawn
Argraffai ar dy lygad hanner-dall.
Ond eto yn y paent synhwyraf i
Nad oedd ond tarth o ddŵr y llyn i ti.
Hywel Rees
9.5
Hyd:
Daw'r clip hwn o
Mwy o glipiau 20/07/2014 - Caernarfon v Crannog
Mwy o glipiau Y Talwrn
-
Dros yr Aber v Y Cŵps
Hyd: 00:52
-
Talwrn Tafwyl - Cerdd yr Wythnos
Hyd: 01:42
-
Caernarfon v Y Cŵps - Cerdd yr Wythnos
Hyd: 00:24
-
Dros yr Aber v Y Tir Mawr - Cerdd yr Wythnos
Hyd: 00:18