ÃÛÑ¿´«Ã½

Heddiw, mae seiniau hen offeryn cerddorol Celtaidd sy'n dyddio'n ôl ddwy fil o flynyddoedd i'w clywed ar faes yr Eistedddfod.

Mae'r 'carincs' wedi ei seilio ar ben baedd Deskford a gafwyd yng Ngogledd Ddwyrain yr Alban ac fe'i hail grëwyd ar sail corn rhyfel Celtaidd yn Amgueddfa Genedlaethol yr Alban.

Defnyddiwyd yr offeryn ym mhob cwr o'r byd Celtaidd i codi ofn ar elynion.

Yn ei ddydd, dyma'r offeryn mwyaf swnllyd yn y Byd!

Yr wythnos hon caiff ei chwarae i greu sain i nifer o ffilmiau animeiddio a welir yn Y Pair ar faes yr Eisteddfod gyda sylw penodol i chwedl Culwch ac Olwen a Branwen.

"Treuliodd yr artist Sean Harris a'r cerddor John Kenny ddwy flynedd yn gweithio gydag Amgueddfa Cymru, Amgueddfeydd Cenedlaethol Yr Alban, Amgueddfa Genedlaethol Iwerddon a disgyblion ysgol o'r tair gwlad yn creu'r gwaith celf unigryw hwn," meddai llefarydd ar ran yr Eisteddfod.

Bydd y ffilmiau i'w gweld y tu allan i'r Lle Celf am dri a phedwar heddiw.