|
Oedden nhw am fynd...neu...oedden nhw am aros adre? Dyna oedd cwestiwn mawr y ganrif. Ond fel y gwelwch o'r Ilun uchod mae Parti Cut Lloi bellach wedi ffarwelio a Dyffryn Banw ac wedi hedfan i Washington bell.
Maent wedi mynd i gymryd rhan yng Ngŵyl Bywyd Gwerin y Smithsonian Ile mae rhywfaint o faes yr wyl eleni wedi ei gosod ar gyfer dathlu treftadaeth Cymru.
Mae'n rhaid i mi gyfaddef nad oeddwn i erioed wedi clywed am yr ŵyl hon tan 'leni ac felly penderfynais wneud ychydig o ymchwil i mewn i'w chefndir.
Ym 1826 gadawodd gwyddonydd Prydeinig o'r enw James Smithson dros 100,000 sofren aur yn ei ewyllys ar gyfer sefydlu y Smithsonian Institution yn Washington.
Roedd am greu sefydliad a fyddai'n cynyddu gwybodaeth ymysg dynion am dreftadaeth a diwylliant eu cyd-ddyn.
Bellach mae gan Sefydliad y Smithsonian nifer fawr o amgueddfeydd o amgylch y Mall yn Washington ac ers 1967 trefnir gwyl enfawr am bythefnos bob mis Gorffennaf i ddathlu traddodiadau diwylliannol o bob rhan o'r Unol Daleithiau ac o bob rhan o'r byd.
Mae dros 150 o Gymry wedi hedfan i Washington i gymryd rhan yn yr wyl eleni, bydd cantorion fel Parti Cut Lloi, Sian James, Linda Griffiths ac Only Men Aloud yn diddanu'r ymwelwyr.
Bydd beirdd, dawnswyr a storiwyr hefyd yn diddanu'r miliwn o bobl a ddisgwylir i ymweld a'r safle. Mae Christine Mills a nifer o artistiaid eraill yno yn hyrwyddo ein diwylliant celf a David Vickers o Wasg Gregynog yn arddangos ei grefft ynghyd a Ilawer o fusnesau 'gwyrdd' sydd yn hyrwyddo cynaliadwyedd Cymru.
 |
Ìý
